HOSANAGARA| ಹೊಸನಗರದಲ್ಲಿ 23 ಮನೆಗಳಿಗೆ ಹಾನಿ | ಇದರಲ್ಲಿ ಅನಧಿಕೃತ ಮನೆಗಳೆಷ್ಟು ಗೊತ್ತಾ! ಈ ಮನೆಗಳಿಗೆ ಪರಿಹಾರ ಸಿಗೋದಿಲ್ವಾ? ತಹಶೀಲ್ದಾರ್ ರಶ್ಮಿ‌ಹೇಳಿದ್ದೇನು?
ಹೊಸನಗರ: ತಾಲೂಕಿನಲ್ಲಿ ಸುರಿಯುತ್ತಿರುವ ಬಾರೀ ಮಳೆಗೆ 23 ಮನೆಗಳಿಗೆ ಹಾನಿಯಾಗಿವೆ. ಈ ಬಗ್ಗೆ ವರದಿ ಸಿದ್ದಪಡಿಸಲಾಗಿದೆ ಎಂದು ಹೊಸನಗರ ತಹಶೀಲ್ದಾರ್ ರಶ್ಮಿ ಹಾಲೇಶ್ ಹೇಳಿದ್ದಾರೆ.
ಹಾನಿಗೀಡಾದ 23 ಮನೆಗಳಲ್ಲಿ ಒಂದು ಮನೆ ಮಾತ್ರ ಅಧಿಕೃತ. ಉಳಿದಂತೆ 22 ಮನೆಗಳು ಅನಧಿಕೃತವಾಗಿವೆ ಎಂದು ಹೇಳಿದ್ದಾರೆ.
ಪರಿಹಾರ ಸಿಗುವುದೇ.?
ಈ ಹಿಂದೆ ಹಾನಿಗೀಡಾದ ಮನೆಗಳು ಅಧಿಕೃತವಾದರೇ ತಲಾ ರೂ.5 ಲಕ್ಷ ಪರಿಹಾರ ಸಿಗುತ್ತಿತ್ತು. ಅನಧಿಕೃತವಾದರೇ ರೂ.1 ಲಕ್ಷ ಪರಿಹಾರ ನೀಡಲಾಗುತ್ತಿತ್ತು. ಆದರೆ ಈಗ ಆ ನಿಯಮವಿಲ್ಲ. ಅಧಿಕೃತ ಮನೆಗಳಿಗಷ್ಟೆ. ಅನಧಿಕೃತ ಮನೆಗಳ ಬಗ್ಗೆ ಸರ್ಕಾರ ಯಾವ ನಿರ್ಧಾರ ತೆಗೆದುಕೊಳ್ಳುತ್ತದೋ ಅದರೆ ಮೇಲೆ ನಿಗಧಿ ಮಾಡಬೇಕಿದೆ ಎಂದರು.
ಮನೆ ದಾಖಲೆ 9/11, ಅಥವಾ ಸರ್ಕಾರ ನೀಡಿದ ಹಕ್ಕುಪತ್ರ ಇದ್ದರೆ ಅಧಿಕೃತವಾಗಿ ಪರಿಗಣಿಸಬಹುದು. ಆದರೆ ತಾಲೂಕು ಆಡಳಿತದಿಂದ ಹಾನಿಯಾದ 23 ಮನೆಗಳನ್ನು ಒಳಗೊಂಡಂತೆ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಲಾಗುವುದು ಎಂದಿದ್ದಾರೆ.
