ಬಸ್ಸು ಚಲಿಸುವಾಗಲೇ ಹರಿದು ಬಿದ್ದ ವಿದ್ಯುತ್ ತಂತಿ : ವಿದ್ಯುತ್ ಇಲ್ಲದ ಕಾರಣ ತಪ್ಪಿದ ಭಾರೀ ಅನಾಹುತ: ಹೊಸನಗರ ತಾಲೂಕಿನ ಹನಿಯ ಬಳಿ ಘಟನೆ

ಹೊಸನಗರ: ಬಸ್ಸು ಚಲಿಸುವಾಗಲೇ ವಿದ್ಯುತ್ ತಂತಿ ಬಿದ್ದ ಘಟನೆ ತಾಲೂಕಿನ ಹನಿಯ ಬಳಿ ನಡೆದಿದೆ.

ನಗರ ಕಡೆಯಿಂದ ಹೊಸನಗರ ಕಡೆ ದುರ್ಗಾಂಬ ಖಾಸಗಿ ಬಸ್ಸು ಹೋಗುತ್ತಿರುವಾಗ ವಿದ್ಯುತ್ ತಂತಿ ಬಿದ್ದಿದೆ. ಈ ವೇಳೆ ಚಾಲಕ ಸೇರಿದಂತೆ ಪ್ರಯಾಣಿಕರು ಆತಂಕಗೊಳ್ಳುವಂತಾಗಿತ್ತು. ಆದರೆ ವಿದ್ಯುತ್ ಇಲ್ಲದ ಕಾರಣ ಯಾವುದೇ ಅನಾಹುತವಾಗಿಲ್ಲ.

ವಿದ್ಯುತ್ ಕಂಬ ಕೂಡ ರಸ್ತೆ ಮೇಲೆ ಬಿದ್ದಿದೆ. ತಂತಿಗಳು ಕೂಡ ರಸ್ತೆ ಮೇಲೆ ಹರಡಿದ್ದವು. ಅದರ ಮೇಲೆಯೇ ವಾಹನಗಳು ಸಂಚರಿಸುತ್ತಿದ್ದವು.